ຣັດເຊຍ ຢັ້ງຢືນຄືນໃໝ່ຫຼັກໝັ້ນ ຂໍ້ຕົກລົງສົ່ງທັນຍາຫານຜ່ານທະເລດຳ
ສຳນັກຂ່າວ ຫວຽດນາມນິວລາຍງານ ວັນທີ 4 ສິງຫາ ນີ້ວ່າ: ວັນທີ 2 ສິງຫາ ຜ່ານມາ, ຣັດເຊຍຢືນຢັນຄືນໃໝ່ຫຼັກໝັ້ນກ່ຽວກັບຂໍ້ຕົກລົງການຂົນ
ສົ່ງທັນຍາຫານຜ່ານທະເລດຳ, ໂດຍຣັດເຊຍ ໄດ້ກຽມພ້ອມກັບຄືນສູ່ຂໍ້ຕົກລົງທັນທີ ເມື່ອຂໍ້ສະເໜີທີ່ກ່ຽວຂ້ອງເຖິງ ມົດສະກູ ໄດ້ຮັບການປະຕິບັດຢ່າງສະ
ເໝີພາບ.
ຖະແຫຼງການດັ່ງກ່າວ, ໄດ້ເປີດເຜີຍໃຫ້ຮູ້ພາຍຫຼັງ ທ່ານ ນາງ ລິນດາ ໂທມາດ-ກຣິນຟຽວ ເອກອັກຄະລັດຖະທູດ ສະຫະລັດອາເມຣິກາ ປະຈຳ ສປຊ
ຖືເປັນສັນຍານສະແດງໃຫ້ເຫັນວ່າ: ຣັດເຊຍ ອາດຈະສົນໃຈກັບຄືນສູ່ຂໍ້ຕົກລົງອະນຸຍາດໃຫ້ ອູແກຣນ ສົ່ງອອກທັນຍາຫານຜ່ານທາງທະເລ.
ໃນວັນດຽວກັນ, ທ່ານ ວະລາດີເມຍ ປູຕິນ ປະທານາທິບໍດີ ຣັດເຊຍ (Vladimir Putin) ໄດ້ໂອ້ລົມທາງໂທລະສັບກັບ ທ່ານ ຣີເຊັບ ເຕຢິບ ເອີໂດ
ກັນ (Recep Tayyip Erdogan) ປະທານາທິບໍດີຕວກກີ, ເຊິ່ງທ່ານໄດ້ເນັ້ນໜັກວ່າ: ຕວກກີ ຈະສືບຕໍ່ພະຍາຍາມເພື່ອປ່ຽນແປງຂໍ້ລິເລີ່ມທາງທະເລ
ດຳ ເນື່ອງຈາກການຢຸດຕິຂໍ້ລິເລີ່ມນີ້ບໍ່ນຳມາເຊິ່ງຜົນປະໂຫຍດໃຫ້ຝ່າຍໃດ, ຊ້ຳບໍ່ພໍບັນດາປະເທດ ທີ່ມີລາຍຮັບຕ່ຳທີ່ຕ້ອງການທັນຍາພືດ ຈະໄດ້ຮັບຜົນກະ
ທົບຫຼາຍສຸດ.
ທ່ານປະທານາທິບໍດີ ຣັດເຊຍ ກ່າວວ່າ: ຣັດເຊຍ ກຽມພ້ອມກັບຄືນສູ່ຂໍ້ຕົກລົງທັນຍາພືດໃນທັນທີທີ່ຝ່າຍຕາເວັນຕົກ ປະຕິບັດທຸກພັນທະເຊິ່ງໄດ້ລົງ
ນາມກັບ ຣັດເຊຍ ໃນຂໍ້ຕົກລົງສະບັບນີ້ຢ່າງຄົບຖ້ວນ.
ແຫຼ່ງທີ່ມາ: ໜັງສືພິມກອງທັບ
ວັນທີ 10/08/2023